د بغلان پوهنتون محصلانو چارو مرستیال او د ښوونې او روزنې پوهنځي رئیس د یاد پوهنتون منسوبینو ته ور وپېژندل شول

baghlan_admin
یکشنبه ۱۴۰۱/۴/۱۲ - ۸:۸
bu

د بغلان پوهنتون محصلانو چارو مرستیال او د ښوونې او روزنې پوهنځي رئیس د یاد پوهنتون منسوبینو ته ور وپېژندل شول

نن پنج شنبه د ۱۴۴۳ سپوږميز کال ذي الحجې میاشتې لومړۍ نېټه چې د ۱۴۰۱ لمریز کال چنګاښ میاشتې ۹ نیټې سره سمون لري ښاغلی پوهنیار حافظ محمد جاوید نسیمي د بغلان پوهنتون محصلانو چارو مرستیال په توګه او ښاغلی پوهندوی محمد الله وردګ د ښوونې او روزنې پوهنځي د رئیس په توګه د بغلان پوهنتون رئیس ښاغلي پوهنيار ګل الرحمن رحماني لخوا په داسې حال کې چې د پوهنتون علمي چارو مرستیال، مالي او اداري مرستیال، د محصلانو چارو پخواني مرستیال، د پوهنځیو رئیسانو او یو شمېر استادانو او کارمندانو یې ملتیا کوله د یاد پوهنتون استادانو او منسوبینو ته ور وپېژندل شول، او د پخواني مرستیال او رئیس د ښو خدمتونو تقدیر او ستاینه وشوه

ښاغلي پوهنیار ګل الرحمن رحماني د پوهنتون رئیس په خپلو خبرو کې وویل: پخواني د محصلانو چارو مرستیال ښاغلي پوهنمل غلام رضا صفدري او د ښوونې او روزنې پوهنځي سرپرست پوهنمل محمد حسن جعفري د تدریس تر څنګ د پوهنتون د ترقی او پرمختګ لپاره نه ستړې کېدونکې هلې ځلې کړي، چې مونږ یې قدر دانی کوو او د الله تعالی له دربار څخه ورته د لوی اجر غوښتونکي یو.

د پوهنتون رئیس نوي معرفي شوي کسان د بغلان پوهنتون وړ او په کار پوه علمي کادرونه یاد کړل، چې په وینا یې: د یادو کسانو په تقرر او ګمارنې سره به د پوهنتون علمي او تدریسي چارې لاهم پیاوړې او منظمې شي

په پای کې دواړو ښاغلیو ته د مبارکی تر څنګ ټولو ګډونوالو د الله تعالی دربار ته لاسونه لپه کړه او د توفیق او ښه خدمت کولو دعا غوښتنه یې ورته وکړه

تازه خبرونه

شنبه ۱۴۰۳/۴/۲۳ - ۹:۸
Background image

بغلان پوهنتون کې د لمړي پوهاند دوکتور نجیب الله قیوم، پوهنوال محمدالله وردګ او د کرنې، ښونې او روزنې پوهنځیو رئیسانو ستاینغونډه

سه شنبه ۱۴۴۶/ ۱ / ۳ ھ.س نېټه چې د ۱۴۰۲/ ۴/ ۱۹ھ.ل نېټې سره سمون لري بغلان پوهنتون د لمړني پوهاند دوکتور نجيب الله قیوم او پوهنوال محمد الله وردګ د لوړي رتبې د ترلاسه کولو او همدا راز د. . .

سه‌شنبه ۱۴۰۳/۴/۱۲ - ۱۴:۴۹
Background image

د بغلان ولايت د ۱۴۰۳کال کانکور ازموینه پای ته ورسېده

نن ورځ جمعه د ۱۴۰۳ ھ.ل کال د چنګاښ مياشتې اتمه نېټه د بغلان ولایت عمومي کانکور ازموینې پروسه د بغلان پوهنتون د مسؤلینو د ازموینې ملي ادارې څخه راغلې پلاوي او ممتحنينو دڅارنې لاندې په. . .

شنبه ۱۴۰۲/۱۰/۳۰ - ۱۴:۱
Background image

له بغلان پوهنتون څخه د لوړو زده کړو د وزير صاحب لېدنه

پنجشنبه ۱۴۴۵/ ۷ /۶ ھ.س نېټه چې له ۱۴۰۲/ ۱۰ /۲۸ ھ.ل سره سمون لري د افغانستان ا-ام.ارت د لـوړو زده کـړو وزیـر ښاغـلي شـ.يخ الحـدیث مولـ.وی صاحب نـ.داءمحـ.مد نديـ.م له بغلان پوهنتون څخه. . .

BACK TO NEWS