بغلان پوهنتون کې د ۴۰۹ تنو محصلانو لپاره فراغت غونډه ترسره شوه.

baghlan_admin
Thu, Aug 28 2025 11:34 AM
BU

چهارشنبه- د ۱۴۴۷ هـ.س کال د ربیع الاول میاشتې ۳مه نیټه

بغلان پوهنتون اووګونو پوهنځیو څخه ۴۰۹ تنه محصلانو د یوې شاندارې غونډې په ترڅ کې خپل فراغت لیکونه ترلاسه کړل.

په یاده غونډه کې د بغلان ولایت والي ښاغلي مولوي عبدالرحمن حقاني، د بغلان پوهنتون رئیس ښاغلي مولوي صدیق الله خالد منصور، د اطلاعاتو او کلتور رئیس ښاغلي مولوي اسدالله مصطفی هاشمي، د امربالمعرف او نهی عن المنکر رئیس ښاغلي مولوي خلیلی الرحمن راشد، د بغلان ولایت مستوفي ښاغلي مولوي محمد بشیر نعماني، د غوري سمنټو فابریکې رئیس ښاغلي انجنیر شفیع الله، د بغلان پوهنتون مرستیالانو، استادانو، محصلانو او د محصلانو د کورنیو غړو ګډون درلود.

غونډه لومړی د قرآنکریم په څو مبارکو آیتونو سره پیل شوه، ورپسې د بغلان پوهنتون رئیس، محصلانو ته د فراغت مبارکۍ تر څنګ وویل، فراغت په اصل کې د نویو مسؤلیتونو او مکلفیتونو دوره ده، تاسو د هیواد راتلونکي یاست، او زیاته یې کړه په الهي نظام کې د ټولو حقونه خوندي دي او د زده کړو لپاره ترټولو ښه فرصت دی، همداراز د بغلان والي له محصلانو څخه وغوښتل چې خپل علم د خلکو د خدمت لپاره وکاروي او خپلو زده کړو ته د ماسټري او دوکتورا تر کچې دوام ورکړي.

په همدې لړ کې د امر بالمعروف او نهی عن المنکر رئیس له محصلانو او خلکو څخه و غوښتل چې د اسلامي نظام تر شا ودریږي او د نظام په ثبات کې برخه واخلي، ورپسې، د اطلاعاتو او کلتور رئیس په دیني او عصري تعلیم او د مکتب، مدرسې او پوهنتون په یووالي ټینګار وکړ، همداراز، د بغلان پوهنتون د علمي چارو مرستیال ښاغلي پوهنمل ګل الرحمن رحماني، په خپله وینا کې د هیواد په تعلیمي نظام او د لوړو زده کړو د لاسته راوړنو اړوند یې لنډ معلومات وړاندې کړل او د محصلانو چارو مرستیال ښاغلي پوهنمل قاري محمدجاوید نسیمي، په خپله وینا کې دا ډول فراغت غونډې د محصلانو د هڅونې لپاره مهمې وبللې او د محصلانو د تشویق لپاره یې د نورو ورته برنامو ډاډ څرګند کړ.

همدا راز فارغ شویو محصلانو له مسؤلینو څخه دوی ته د کار زمینې برابرولو غوښتنه وکړه.

په پای کې ټولو محصلانو خپل فراغت لیکونه ترلاسه کړل او غونډه د شرعیاتو پوهنځي رئیس ښاغلي مولوي نورالله درویش د خیر په دعایې سره پای ته ورسیده.

د نشراتو، اطلاعاتو او عامه اړیکو عمومي مدیریت

Latest news

Mon, Nov 02 2020 3:46 PM
Background image

امضاء تفاهم‌نامه همکاری‌های علمی میان ریاست دانشگاه بغلان و ریاست شهرسازی و اراضی ولایت بغلان

تفاهم نامه همکاری های علمی میان ریاست دانشگاه بغلان و ریاست شهرسازی و اراضی این ولایت به امضا رسید

تفاهم نامه همکاری های علمی میان ریاست دانشگاه بغلان و ریاست شهرسازی و اراضی ولایت. . .

Mon, Sep 28 2020 11:46 AM
Background image

معرفی رییس جدید دانشکده زراعت

امروز مورخ ۱۳۹۹/۷/۶ محترم معین الدین نعیمی عضو کادر علمی دانشکده زراعت این دانشگاه توسط محترم پوهنیار عبدالقدیر مهان رییس دانشگاه بغلان، دوکتور نجیب الله رحمتزی معاون علمی و اساتید این. . .

BACK TO NEWS