پوهنیار گل الرحمن رحمانی رییس پوهنتون بغلان از ساحه درسی حسین خیل بررسی و دیدن کرد

روز دوشنبه تاریخ ۲حوت سال ۱۴۰۰ خورشیدی که مصادف است به ۱۹رجب سال ۱۴۴۳ قمری، محترم پوهنیار گل‌الرحمن رحمانی رییس پوهنتون بغلان از ساحه درسی حسین‌خیل، بررسی و دیدن کرد. محترم پوهنمل دکتر نجیب‌الله رحمت‌زی معاون علمی، محترم پوهنمل غلام‌رضا صفدری معاون امور محصلان و محترم مجیب‌الرحمن قلندری معاون مالی وادرای، در این دیدار وی را همراهی می‌کرند. محترم پوهنیار رییس گل‌الرحمن‌ رحمانی هدف این بررسی و دیدار را از ساحه درسی، آمادگی برای شروع درس‌ها عنوان کرد و با هیات همراه‌شان از پوهنحی‌های (ژورنالیزم، ادبیات و علوم‌بشری، اقتصاد، انجنیری و لیلیه‌های پوهنتون بغلان) دیدن کردند. محترم پوهنیار گل‌الرحمن رحمانی توصیه‌های رهنمودی خود را برای مسوولان محترم پوهنحی‌ها ارایه داشت و از آنان خواست تا زمینه‌ی تحصیل خوب و به‌تر را در مطابقت به طرح وزارت تحصیلات برای شروع درس‌ها عملی‌ داشته و آنرا تطبیق کنند. گفتی‌ست که پوهنتون بغلان هفت پوهنحی دارد که چهار پوهنحی آن در ساحه مرکزی حسین‌خیل، یک پوهنحی آن در پوزه‌ایشان و دو پوهنحی آن در کلوپ نساجی واقع شهرپلخمری به انجام فعالیت‌های آموزشی و تحقیقی مبادرت می‌ورزد