لوګر د لوړو زده کړو موسسې محصلانو د بغلان له طبیعي منابعو لیدنه وکړه.
لوګر د لوړو زده کړو موسسې د جیولوژي او معدن پوهنځي د مفیدو جامدو موادو د استخراج څانګې (۴۰) تنو محصلانو د بغلان پوهنتون په همغږۍ د یاد ولایت له مهمو معدني او صنعتي ځایونو څخه علمي لیدنه وکړه.
یاد علمي سفر چې ۵ ورځې دوام درلود، د غوري سمنټو فابریکې، د کرکر ډبرو سکرو کان، دودکش آهندره او خورد درې ساحو ته ترسره شو، چې موخه یې د محصلانو مسلکي پوهې پیاوړي کول، د عملي تجربو ترلاسه کول، او د درسي مفاهیمو تطبیق و.
په دې علمي سفر کې محصلانو د یادو منابعو د استخراج، تولید، او پروسس پروسې له نږدې وکتلې. د فابریکو انجنیرانو او مسوولینو د تکنالوژۍ، ماشینونو او د استخراج پر بهیر محصلانو ته وضاحت ورکړ.
دغه راز، د بغلان پوهنتون رهبرۍ د دې علمي لیدنې هرکلی وکړ او ډاډ یې ورکړ چې د نورو تحصیلي بنسټونو سره به هم ورته همکارۍ ته دوام ورکوي.
د نشراتو، اطلاعاتو او عامه اړیکو عمومي مدیریت
