بغلان پوهنتون محصلانو ته د «مسلکي سي وي لیکنې» تر نامه لاندې سیمینار وړاندې شو.
سه شنبه د ۱۴۴۶ ه س کال د ذوالحجه میاشتې ۲۰مه
بغلان پوهنتون اوه ګونو پوهنځیو څلورم ټولګي محصلانو ته د مسلکي سي وي لیکنې تر نامه لاندې سیمینار د یاد پوهنتون د مسلکي پرمختیا مرکز PDC له لوري د معلوماتي ټکنالوژۍ مرکز ICT کې تر سره شو.
یاد سیمینار لومړی د قرآن کریم د څو مبارکو آیتونو په تلاوت سره پیل شو، ورپسې، د بغلان پوهنتون د مسلکي پرمختیا مرکز آمر ښاغلي پوهنمل عبدالخالق نوري د سیمینار د اهمیت او موخو په اړه وینا تر سره کړه.
په همدې لړ کې د بغلان پوهنتون د ادبیاتو او بشري علومو پوهنځي استاد ښاغلي نامزد پوهنیار عبدالباسط حیدري چې د یاد سیمینار وړاندې کوونکی هم و د یو شمیر معلوماتو په هکله لکه؛ د یو مسلکي سي وي اصول او جوړښت او د کارکوونکو د پام را اړولو لپاره مهمو ټکو په اړه ګډونوالو ته مفصل معلومات وړاندې کړل.
د یادونې وړ ده چې یاد سیمینار دوه ورځې دوام درلود چې لومړۍ ورځ ژورنالیزم، اقتصاد، انجینری او ښوونې روزنې پوهنځي او دویمه ورځ ادبیات او بشري علوم، شرعیات او کرنې پوهنځیو لپاره ټاکل شوې وه.
