بغلان پوهنتون استادانو لپاره د Turnitin حساب پرانیستلو او ادبي غلا څخه د مخنیوي په اړه د پوهاوي ښوونیز سیمینار تر سره شو.

baghlan_admin
شنبه ۱۴۰۴/۱۲/۲۵ - ۱۳:۱
bu

پنج شنبه د ۱۴۴۶ س کال د رمضان المبارک میاشتې دولسمه بغلان پوهنتون د علمي تحقیقاتو معاونیت له لورې استادانو لپاره د Turnitinحساب پرانیستلو او ادبي غلا څخه د مخنیوي تر عنوان لاندې د پوهاوي ښوونیز سیمینار د دې پوهنتون د تکنالوژي معلوماتي مرکز ITC په تالار کې ترسره شو.

یاد سیمینار د بغلان پوهنتون د شرعیاتو پوهنځي د ثقافت اسلامي ډیپارتمنت آمر ښاغلي فخرالدین امین له لورې د قرانکریم په څو مبارکو آیتونو سره پیل شو، ورپسې د سیمینار په پرانیستونکې وینا کې د بغلان پوهنتون رئیس ښاغلي مولوي صدیق الله خالد منصور د ادبی غلا د مخنیوي او د علمي اخلاقو د امانت دارۍ په اصل باندې ټینګار وکړ.

همداراز یاد سیمینار د بغلان پوهنتون د علمي مجلې آمر ښاغلي پوهندوی مهرالله مهر له لوري وړاندې شو چې په ګڼو موضوعاتو لکه د ادبي غلا څخه د مخنیوي لپاره د Turnitin نرم افزار پیژندنه او د کارونې لارې چارې او د ادبي غلا ډولونه او نورو مهمو موضوعاتو په هکله ګډونوالو ته معلومات وړاندې کړه.

د یاد سیمینار په ترڅ کې د بغلان پوهنتون د علمي څیړنو مرستیال ښاغلي پوهندوی امین الله فطرت د وړاندې شوو مطالبو ټولونې او ارزونې تر څنګ د علمي څیړنو د لوړولو لپاره د اړتیا وړ توکو پیاوړتیا او سمون باندې ټینګار وکړ.

په پای کې یاد سیمینار د خیر په دعایه او د څیړونکو او استادانو د بریالیتوب په هیله پای ته ورسید.

تازه خبرونه

پنجشنبه ۱۴۰۴/۱/۷ - ۱۰:۴
Background image

بغلان پوهنتون اداري کارکوونکو ته د اجرااتو ارزونې بهیر د پوهاوي ښوونیز سیمینار تر سره شو.

چهار شنبه د ۱۴۴۶ ه ق کال د رمضان المبارک میاشتې ۲۶ نیټه، بغلان پوهنتون اداري کارکوونکو ته د اجرااتو ارزونې بهیر د پوهاوي ښوونیز سیمینار د بغلان ولایت د اصلاحات اداري آمریت د اجرااتو او. . .

شنبه ۱۴۰۴/۱/۲ - ۹:۲۷
Background image

بغلان پوهنتون د نشراتو کمیټې ناسته ترسره کړه.

بغلان پوهنتون د نشراتو کمیټې د بغلان پوهنتون د علمي څیړنو مرستیال ښاغلي پوهندوی امین الله فطرت په مشرۍ ناسته ترسره کړه.

په یاده ناسته کې چې د بغلان پوهنتون د نشراتو کمیټې ټولو غړو ګډون. . .

شنبه ۱۴۰۴/۱/۲ - ۹:۱۶
Background image

بغلان پوهنتون استادانو لپاره د معیاري سلایډونو جوړولو سره بلدتیا او د یو غوره او اغیز لرونکي علمي کنفرانس وړاندې کولو ترنامه لاندې علمي سیمینار ترسره شو.

بغلان پوهنتون د استادانو مسلکي پرمختیا مرکز PDC له لورې د معیاري سلایډونو جوړولو سره بلدتیا او د یو غوره او اغیزلرونکي علمي کنفرانس تر نامه لاندې علمي سیمینار د بغلان پوهنتون استادانو. . .

BACK TO NEWS