بغلان پوهنتون استادانو لپاره د معیاري سلایډونو جوړولو سره بلدتیا او د یو غوره او اغیز لرونکي علمي کنفرانس وړاندې کولو ترنامه لاندې علمي سیمینار ترسره شو.
بغلان پوهنتون د استادانو مسلکي پرمختیا مرکز PDC له لورې د معیاري سلایډونو جوړولو سره بلدتیا او د یو غوره او اغیزلرونکي علمي کنفرانس تر نامه لاندې علمي سیمینار د بغلان پوهنتون استادانو لپاره د یاد پوهنتون د تکنالوژۍ معلوماتي مرکز ICTپه تالار کې ترسره شو.
سیمینار لومړی د بغلان پوهنتون د استادانو چارو آمر ښاغلي پوهنیار طیب مصلح له لوري د قرانکریم په څو مبارکو آیتونو سره پیل شو، همداراز د بغلان پوهنتون رئیس ښاغلي مولوي صدیق الله خالد منصور د سیمینار د سریزې په اهمیت ګډونوالو ته وینا وکړه، ورپسې دبغلان پوهنتون د ښوونې او روزنې پوهنځي د ریاضي ډیپارتمنت آمر ښاغلي پوهندوی دکتور عبدالحسین سروش چې د یاد سیمینار وړاندې کوونکی هم و، ګډونوالو ته یې د معیاري سلایډونو جوړولو سره بلدتیا او د یو غوره علمي کنفرانس وړاندې کولو اړوند یې هر اړخیز معلومات وړاندې کړل.
همداراز د بغلان پوهنتون د علمي چارو مرستیال ښاغلي پوهنمل ګل الرحمن رحماني د یاد سیمینار ارزونه وکړه، او په پای کې سیمنیار د خیر په دعایې سره پای ته ورسید.
