بغلان پوهنتون کې د (٣) خالي بستونو لپاره د ٩٢ تنو ګډونکوونکو څخه ازموینه واخیستل شوه!
بغلان پوهنتون کې د افغانستان اسلامی امارت او د لوړوزده کړو وزارت د پالیسئ سره سم، کار اهل کار ته د سپارلو په موخه د بغلان پوهنتون د دریو(٣) اداري بستونو لپاره د ٩٢ تنو په شرايطو برابرو ګډونکونکو څخه د لوړو زده کړو وزارت رهبرۍ د هدایت په اساس ټاکل شوې کميټې لخوا ازموینه واخيستل شوه.
د بغلان پوهنتون رئیس ښاغلي مولوي صدیق الله خالد منصور په خپلو وینا کې د ازموینې ګډونوالو ته په دې پروسه کې د روڼوالي (شفافيت) ډاډ ورکړ.
ورپسې د بغلان پوهنتون د علمي چارو مرستيال پوهنمل ګل الرحمن رحماني او د بشري سرچینو آمر شفیق الله مسعود لخوا تر لازمو ویناوو او د پروسې د تشریح کولو څخه وروسته ازموینه په آرامه فضا کې واخیستل شوه.
