بغلان پوهنتون کې د ۱۴۰۲ کال په ملي او نړیوالو ژورنالونو کې خپرو شویو څېړنیزو مقالو د موندنو وړاندې کولو علمي کنفرانس.

baghlan_admin
سه‌شنبه ۱۴۰۳/۶/۲۷ - ۱۴:۱۴
bu

د استادانو علمي څېړنیزو مقالو د موندنو وړاندې کولو علمي کنفرانس چې د يوې ورځې (وږي۲۰مه) لپاره ترسره شو چې په کې د بغلان ولایت والي ښاغلي مولوي عبدالرحمن ح-ق-ا-ن-ي، د بغلان ولايت، ولايتي رئیسانو، د امارتي او خصوصي بنسټونو مسئولینو، متخصصینو او کارپوهانو د بغلان پوهنتون رهبرۍ او استادانو ګډون درلود. د غونډې په لومړنیو خبرو کې، د بغلان ولایت والي ښاغلي مولوي عبدالرحمن ح-ق-ا-ن-ي او د بغلان پوهنتون رئیس ښاغلي مولوي صدیق الله خالد منصور د اسلام مبارک دین له نظره د علمي څېړنو پر اهمیت او ارزښت خبرې وکړې، او همدارنګه د بغلان پوهنتون د څېړنو او علمي مجلې مرستیال پوهندوی امین الله فطرت د څېړنیزو فعالیتونو د اړتیا، د علمي څېړنو په پرمختګ او د ټولنې په پراختیا کې د علمي څېړنو رول، او د لوړو زده‌کړو وزارت پالیسیو او پروګرامونو په اړه خبرې وکړې.

په دې علمي کنفرانس کې د بغلان پوهنتون استادانو له لوري د علمي - څېړنیزو مقالو موندنې وړاندې شوې، چې په کې د څېړونکو لخوا، دولتي ادارتو، خصوصي سکتور او مؤسساتو لپاره ګټور او اغېزمن وړاندیزونه او لارې چارې وړاندې شوې او د ګډونوالو پوښتنو ته ځوابونه وویل شول. د یادونې وړ ده چې په دې علمي کنفرانس کې وړاندې شوې مقالې په ۱۴۰۲ لمریز کال کې د بغلان پوهنتون په ملي ژورنالونو او همداراز نړیوالو معتبرو ژورنالونو کې خپرې شوې وې.

وړاندې شوې مقالې د بشري علومو، کرنې، اقتصاد، کانونو، ریاضیاتو او فزیک برخو کې وې.

دغه علمي کنفرانس د بغلان پوهنتون د علمي چارو مرستيال پوهنمل ګل الرحمن رحماني، لخوا تر ارزونې او د مقالو وړاندې کوونکو ته د ډالیو او ستاینلیکونو وېشلو وروسته د خیر په دعا سره پای ته ورسېد.

تازه خبرونه

پنجشنبه ۱۴۰۴/۱/۷ - ۱۰:۴
Background image

بغلان پوهنتون اداري کارکوونکو ته د اجرااتو ارزونې بهیر د پوهاوي ښوونیز سیمینار تر سره شو.

چهار شنبه د ۱۴۴۶ ه ق کال د رمضان المبارک میاشتې ۲۶ نیټه، بغلان پوهنتون اداري کارکوونکو ته د اجرااتو ارزونې بهیر د پوهاوي ښوونیز سیمینار د بغلان ولایت د اصلاحات اداري آمریت د اجرااتو او. . .

شنبه ۱۴۰۴/۱/۲ - ۹:۲۷
Background image

بغلان پوهنتون د نشراتو کمیټې ناسته ترسره کړه.

بغلان پوهنتون د نشراتو کمیټې د بغلان پوهنتون د علمي څیړنو مرستیال ښاغلي پوهندوی امین الله فطرت په مشرۍ ناسته ترسره کړه.

په یاده ناسته کې چې د بغلان پوهنتون د نشراتو کمیټې ټولو غړو ګډون. . .

شنبه ۱۴۰۴/۱/۲ - ۹:۱۶
Background image

بغلان پوهنتون استادانو لپاره د معیاري سلایډونو جوړولو سره بلدتیا او د یو غوره او اغیز لرونکي علمي کنفرانس وړاندې کولو ترنامه لاندې علمي سیمینار ترسره شو.

بغلان پوهنتون د استادانو مسلکي پرمختیا مرکز PDC له لورې د معیاري سلایډونو جوړولو سره بلدتیا او د یو غوره او اغیزلرونکي علمي کنفرانس تر نامه لاندې علمي سیمینار د بغلان پوهنتون استادانو. . .

BACK TO NEWS