بغلان پوهنتون او سلام خصوصي پوهنتون -کندز څانګې- ترمنځ د ګډو علمي څېړنیزو همکاریو تفاهم لیک لیک لاسلیک شو.
د بغلان پوهنتون او سلام خصوصي پوهنتون -کندز څانګې- ترمنځ د علمي او څېړنیزو همکاریو د تفاهم لیک د لاسلیکولو په موخه جوړې شوې ناستې کې د بغلان پوهنتون رئیس مولوي صديق الله خالد منصور، دڅيړنو او علمي مجلې مرستيال پوهندوی امین الله فطرت، د سلام خصوصي پوهنتون -کندزڅانګې- رئیس ښاغلي داکټر سمع الله دانشیار او ورسره مل پلاوي یې ګډون درلود.
بغلان پوهنتون رئیس ښاغلي مولوي صديق الله خالد منصور د سلام خصوصي پوهنتون-کندز څانګې- رئيس او مل پلاوي ته د ښه راغلاست ویلو ترڅنګ، له سلام خصوصي پوهنتون-کندز څانګې- سره د علمي او څېړنيزو همکاریو د تفاهم لیک لاسلیکول مهم وګڼل او د دغه تفاهم لیک عملي کول یې د دواړو پوهنتونونو په ګټه او د یو بل له ظرفیتونو او امکاناتو څخه د ګټې اخیستنې په برخه کې ګټور وبلل.
غونډه د هوکړه لیک په لاسلیک او د دعایې په ویلو سره پای ته ورسیده.
