د بغلان او کندز پوهنتونونو ترمنځ د همکاریو پیاوړتیا په موخه مشورتي ناسته ترسره شوه.
یکشنبه د ۱۴۴۶ هـ س کال د ذوالقعدې میاشتې ۱۳مه یاده ناسته کې د بغلان پوهنتون رئیس ښاغلي مولوي صدیق الله خالد منصور د علمي چارو مرستیال ښاغلي پوهنمل ګل الرحمن رحماني د محصلاو چارو مرستیال پوهنمل قاری محمد جاوید نسیمی او د بغلان پوهنتون یو شمېر استادانو په ګډون د کندز پوهنتون رئیس ښاغلي الحاج مولوي عبدالهادي همت، علمي مرستیال ښاغلي پوهنمل غلام نبي څپاند، او د زراعت پوهنځي رئیس ښاغلي ګل آغا صادق ګډون درلود.
د بغلان پوهنتون رئیس ښاغلي مولوي صدیق الله خالد منصور، د کندز پوهنتون د پلاوي د راتګ ستاینه وکړه او ویې ویل چې دا ډول ناستې کولی شي د هیواد د لوړو زده کړو نظام ته وده ورکړي. همداراز، د کندز پوهنتون رئیس ښاغلي عبدالهادي همت هم د بغلان پوهنتون له کوربه توب څخه مننه وکړه او د دوامداره همکاریو ژمنه یې څرګنده کړه.
د یادونې وړ ده چې په یاده ناسته کې د شمال او شمال ختیځ زون د پوهنتونونو ترمنځ د ګډو برنامو جوړولو په اړه تفصیلي بحثونه تر سره شول.
نشراتو، اطلاعاتو او عامه اړیکو ریاست
