بغلان پوهنتون علمي شورا ناسته ترسره کړه.
چهارشنبه- د ۱۴۴۷ هـ س کال د محرم الحرام میاشتې ۲۷مه
بغلان پوهنتون علمي شورا خپله ناسته د یاد پوهنتون د علمي چارو مرستیال ښاغلي پوهنمل ګل الرحمن رحماني په مشرۍ ترسره کړه.
په یاده ناسته کې د بغلان پوهنتون د علمي شورا ټولو غړو ګډون درلود، په بیلابیلو موضوعاتو لکه؛ د ۱۴۰۴ کال خزاني سمستر د درسونو پیل، د ژورنالیزم، کرنې، ښوونې او روزنې او انجینري پوهنځیو محصلانو لپاره د عملي کار لارې چارې برابرول، د پوهنتون مجلو لپاره د خپلواک ویب سایټ جوړول، د کال غوره څیړونکي د ټاکلو او پیژندلو طرزالعمل تایید، د نړیوالې وړاندیز شوې مجلې د داورانو ا تحریر پلاوي د سوانحو تایید، د نړیوالې محلې د حمایوي اسنادو او وړاندیز شوې طرحې تایید، د ۱۴۰۳ کال په ترڅ کې د پوهنتون د استادانو لهخوا خپرو شوو ملي او نړیوالو مقالو د موندنو د وړاندې کولو په هدف د علمي سیمینار د جوړولو اړتیا باندې بحث او د څیړنیزې-علمي مجلې داورانو او تحریر پلاوي نوي کولو باندې بحث او اړینې پریکړې ترسره شوې.
د نشراتو، اطلاعاتو او عامه اړیکو عمومي مدیریت
