محترم پوهنیار گل‌الرحمن رحمانی رییس پوهنتون بغلان با نماینده بنیاد خیریه کتور در پوهنتون بغلان دیدار کرد
محترم پوهنیار گل‌الرحمن رحمانی رییس پوهنتون بغلان با نماینده بنیاد خیریه کتور در پوهنتون بغلان دیدار کرد.
محترم پوهنیار گل‌الرحمن رحمانی که با هیات همراه‌اش محترم پوهنمل دکتر نجیب‌الله رحمتزی معاون علمی، محترم پوهنمل غلام‌رضا صفدری معاون امورمحصلان، محترم مجیب‌الرحمن قلندر معاون مالی وادری و تعدادی از رییسان پوهنحی‌ها با محترم عبدالرحیم نایل، نماینده بنیاد خیریه کتور از ساحه درسی حسین‌خیل دیدن کردند. بنیاد خیریه کتور، پوهنتون بغلان را در بخش‌های پاک‌سازی صحن پوهنتون، سرسبزی و بازسای تعمیرهای درسی که از اثر جنگ‌های اخیر صدمه دیده بودند کمک کرده، باز سازی می‌کند.
محترم عبدالرحیم نایل نماینده بنیاد خیریه کتور خاطرنشان کرد که به زودی در سرسبزی و بازسازی تعمیرهای صدمه دیده اقدام عملی خواهد کرد. محترم پوهنیار گل‌الرحمن رحمانی از اقدام نیک بیناد خیریه کتور قدردانی کرد و از موسسه‌های خیر دیگر در کشور خواست تا این نهاد علمی را هم‌کاری نماید تا زمینه آموزش به‌تر را برای جوانان مهین فراهم کند
