د لوړو زده کړو وزارت د علمي چارو د نظارت او ارزونې ریاست پلاوي له بغلان پوهنتون څخه لیدنه وکړه.
د لوړو زده کړو وزارت د علمي چارو د نظارت او ارزونې ریاست عمومي مدیر او ورسره مل پلاوي بغلان پوهنتون څخه لیدنه وکړه، څو د یاد پوهنتون علمي، تدریسي او اداري وضعیت له نږدې و ارزوي.
په دې لیدنه کې، د وزارت استازي د بغلان پوهنتون اړوندو مسؤلینو سره جلا جلا ناستې ترسره کړې او د پوهنځیو، لابراتوارونو، کتابتون، اداري واحدونو او تدریسي چاپېریال څخه لیدنه وکړه.
د بغلان پوهنتون مسؤلینو د نظارت او ارزونې یاد پلاوي ته د ښه راغلاست ترڅنګ ډاډ څرګند کړ چې د وزارت ټولې لارښوونې به په جدي توګه تعقیبوي او د علمي کیفیت د لوړوالي لپاره به لا ډېرې هڅې وکړي.
د نشراتو، اطلاعاتو او عامه اړیکو عمومي مدیریت
