بغلان پوهنتون استادانو لپاره د SCL-OBE(د پایلې پر بنسټ ولاړه-محصل محوره زده کړه) تر نامه لاندې ورکشاپ پای ته ورسید.
ياد ورکشاپ د دوو تنو استادانو هر یو د کندز پوهنتون استاد ښاغلي پوهنمل محمد شریف حسن زوی او د بغلان پوهنتون استاد ښاغلي پوهنیار سید احمد عاصم هاشمي له لوري وړاندې شو.
د بغلان پوهنتون د استادانو مسلکي پرمختیا مرکز (PDC) له لورې یاد ورکشاپ د استادانو د علمي مهارتونو او د ښوونیز بهیر د کیفیت لوړولو په موخه پیل شوی و چې په لاندې موضوعاتو لکه؛ د ښو پایلو ځانګړتیاوې، د دیپارتمنت د زده کړو پایلې، د زده کړو د موخې جوړول، د ارزونې ډولونه، د شاګرد محوري تګلارې، د بنسټیزو زده کړو پایلې، د شاګرد محورۍ د عملي کولو لارې چارې او د ځینو نورو موضوعاتو معلومات ګډونوالو ته وړاندې شول.
