د مسلکي پرمختيا مرکز(PDC) او د کیفیت لوړاوي او اعتبار ورکونې اکاډمیکو آمریتونو لپاره نوي آمرین معرفي شول؛
بغلان پوهنتون اړوند د مسلکي پرمختيا مرکز(PDC) او د کیفیت لوړاوي او اعتبار ورکونې آمریتونو لپاره نويو آمرینو معرفي غونډه کې د بغلان پوهنتون د علمي چارو مرستیال او سرپرست پوهنمل ګل الرحمن رحماني، د محصلانو چارو مرستيال پوهنمل قاري محمد جاوید نسیمي، د پوهنځيو رئيسانو، یو شمیر استادانو او اداري کارکوونکو حضور درلود.
د ادبیاتو او بشري علومو پوهنځي استاد ښاغلی پوهندوی دوکتور عبدالخالق نوري د استادانو مسلکي پرمختيا مرکز(PDC) د آمر او د کرنې پوهنځي استاد ښاغلی پوهنیار حماد امین د کیفیت لوړاوي او اعتبار ورکونې آمریت د آمر په توګه رسماً معرفي او دندې یې پیل کړې.
یاده غونډه کې د بغلان پوهنتون د علمي چارو مرستیال او سرپرست ښاغلي پوهنمل ګل الرحمن رحماني تغییر او تبدیل اداري اصل وباله او د یادو آمریتونو پخوانیو آمرینو له کړنو او خدمتونو د ستاینې ترڅنګ نويو آمرینو ته په ورسپارل شوو مسؤلیتونو کې د بریالیتوب هيله وکړه.
