بغلان پوهنتون د نوي رئيس پیژندغونډه
د چهارشنبه ورځ د ۱۴۴۵ھ.س کال دویمې میاشتې شلمه او د ۱۴۰۲ ھ.ل کال شپږمې میاشتې پنځلسمه نېټه، مولوی صدیق الله خالدمنصور د یوې غونډې په ترڅ کې د بغلان پوهنتون د نوي رئيس په توګه معرفي او په کار یې پیل وکړ. د نوي رئيس په پیژندغونډه کې د دې پوهنتون پخواني رئيس پوهنمل ګل الرحمن رحماني، د ولایت مقام د دفتر رئيس، د جه ادیه مدرسې مهتمم، د سمنګان ولايت د امنیت آمر، د پوهنتون مرستیالونو، استادانو، اداري کارکوونکو او یو شمېر نورو مېلمنو حضور درلود. په یاده غونډه کې د ویناوالو له لوري د پخواني رئيس د هڅو او لاسته راوړنو ستاینه او نوي رئيس ته د خدای (ج) له دربار څخه د بریا او ښه خدمت کولو د توفیق غوښتنه وشوه.
نوي رئيس مولوي صدیق الله خالد منصور د ا_ا او په ځانګړي ډول د لوړو زده کړو وزارت له مشرتابه څخه د ورسپارل شوي مسؤلیت په پار مننه وکړه او وې ویل چې د دې اکاډمیک بنسټ د لا ودې او پرمختګ لپاره به پوره زیار وباسي.
هغه له ټولو کارکوونکو، استادانو او په ځانګړي ډول له پخواني رئيس څخه وغوښتل چې په چارو کې ورسره هر اړخیزه همکاري وکړي.
