د بغلان پوهنتون اداري کارکوونکو لپاره اصلاحي ـ تربيتي سمینار ترسره شو!

د بغلان پوهنتون دعوت او ارشاد مسؤلینو د خپلو اصلاحي او تربیتي سمینارونو په دوام یو ځل بیا د دې پوهنتون اداري کارکونکو لپاره د حسنه اخلاقو او د وخت ارزښت تر عنوان لاندې یو ورځنی اصلاحي-تربیتي سیمنار د دې علمی بنسټ د امام قتيبة بن سعيد بغلاني(رح) د غونډو په تالار کې ترسره کړ.

یاد سمینار د قرآنکريم د څو مبارکو آیتونو په تلاوت سره پیل شو. ورپسې د بغلان پوهنتون ملا امام مولوي احمد ولي مسلم د خوږ نبی کریم (ص)د اخلاقو او سیرت بیانولو تر څنګ د وخت ارزښت په اړه هر اړخیزه وینا وکړه.

ورپسې د بغلان پوهنتون ریئس ښاغلي مولوي صدیق الله خالد منصور د حضرت محمد ص د اخلاقو د بیانولو ترڅنګ په اسلامي ټولنه کې د تعصب زیانونو موضوع بیان کړه.

په پای کې سمینار د بغلان پوهنتون د مبلغ مولوي حاجي اکبر نعماني په دعا سره پای ته ورسیده.