بغلان پوهنتون څلورم ټولګیو محصلانو ته د مونوګراف لیکلنې او مقالې لیکلنې دوه ورځنی ښوونیز سیمینار پیل شو.
چهارشنبه د ۱۴۴۶ ه س کال د ذوالقعدې میاشتې ۹مه، بغلان پوهنتون د علمي څیړنو معاونیت او د محصلانو چارو معاونیت په همغږۍ د یاد پوهنتون محصلانو ته دوه ورځنی ښوونیز سیمینار پیل شو.
په یاد سیمینار کې د بغلان پوهنتون د علمي څیړنو مرستیال ښاغلي پوهندوی امین الله فطرت، د محصلانو چارو مرستیال ښاغلي پوهنمل قاری محمدجاوید نسیمي، دبغلان پوهنتون استادانو، اداري کارکوونکو او محصلانو ګډون درلود.
سیمینار لومړی د بغلان پوهنتون د یو تن محصل له لوري د قرآن کریم څو مبارکو آیتونو په تلاوت سره پیل شو، ورپسې د بغلان پوهنتون د محصلانو چارو مرستیال ښاغلي پوهنمل قاري محمد جاوید نسیمي د سیمینار پرانیستونکې وینا کې ټولو ګډونوالو ته ښه راغلاست وویل او زیاته یې کړه چې دا ډول سیمنارونه محصلانو ته د مونوګراف او مقالې په لیکلو کې اسانتیاوې رامنځته کوي.
همداراز د بغلان پوهنتون د اقتصاد پوهنځي استاد ښاغلي پوهنیار سخي بخش اسدي چې د یاد سیمینار وړاندې کوونکی هم و؛ محصلانو ته د مونوګراف لیکنې او مقالې لیکنې په اړه هر اړخیز معلومات وړاندې کړه.
د یاد سیمینار په بهیر کې د محصلانو پوښتنو ته هم فرصت ځانګړی شو چې د سیمینار وړاندې کوونکي له لوري لازم او دقیق ځوابونه ورکړل شو.
په همدې لړ کې د بغلان پوهنتون د علمي څیړنو مرستیال ښاغلي پوهندوی امین الله فطرت له لوري د یاد ښوونیز سیمینار ارزونه ترسره شوه او په پای کې سیمینار د بغلان پوهنتون د ادبیاتو او بشري علومو پوهنځي استاد ښاغلي پوهندوی سید مجتبی نایل له لوري د خیر په دعایې سره پای ته ورسید.
د یادونې وړ ده چې یاد ښوونیز سیمینار به د بیلابیلو پوهنځیو محصلانو ته دوه ورځې دوام ولري.
د نشراتو، اطلاعاتو او عامه اړیکو عمومي مدیریت
