بغلان پوهنتون اداري کارکوونکو ته د اجرااتو ارزونې بهیر د پوهاوي ښوونیز سیمینار تر سره شو.
چهار شنبه د ۱۴۴۶ ه ق کال د رمضان المبارک میاشتې ۲۶ نیټه، بغلان پوهنتون اداري کارکوونکو ته د اجرااتو ارزونې بهیر د پوهاوي ښوونیز سیمینار د بغلان ولایت د اصلاحات اداري آمریت د اجرااتو او ارزونې کارپوه ښاغلي عبدالبصیر عزیزي له لوري د بغلان پوهنتون د معلوماتي تکنالوژۍ مرکز ICT په تالار کې وړاندې شو.
یاد سیمینار چې د بغلان پوهنتون په نوښت او د بغلان ولایت د اصلاحات اداري آمریت په ملاتړ تر سره شو، ګډونوالو ته يې د اداري کارکوونکو د اجرااتو ارزونې بهیر ټول فورمونه ور وپېژندل او یو شمیر نور مهم معلومات يې وړاندې کړل.
په پای کې د سیمینار ګډونوالو ته دیادې موضوع اړوند د پوښتنو وخت ورکړل شو چې د سیمینار وړاندې کوونکي له لوري لازم ځوابونه وویل شو.
